By: Aine Grace Bravo

Nangin malinong sa kabug-usan ang pag-obserbar sang syudad kag probinsya sa Semana Santa.

Suno kay Iloilo Police Provincial Office (IPPO) Director Sr/Supt. Cornelio Salinas bisan may mga magagmay nga insidente pareho sang pagutok sang mga salakyan sa mga simbahan. May bastante suno kay Salinas nga police personnel nga gindeploy ang IPPO agud magbantay sang seguridad sa mga matawo nga lugar agud wala sang may magtuyo nga manggamo. Ginpasalamatan naman sini ang kooperasyon sang mga pumuluyo nga nagbulig sa kapulisan agud masiguro nga matawhay ang pagpamalandong sa Holy Week.

Nagapati naman si Iloilo City Police Office (ICPO) OIC Sr/Supt. Kashmir Disomangcop nga police visibility sa mga matawo mga lugar ang rason sang malinong kag matawhay nga pagdumdom sang Semana Santa sa syudad.

Ginabanta sa 300 ka kapulisan ang ginpalapta sa syudad kag nag-augment man ang Iloilo City Public Safety Company, traffic management, police auxiliary kag force multipliers.

Leave a Reply