Guimaras: Governor Samuel Gumarin, naglain ang buot sa pahayag ni Pastor Ed Casidsid nga malala ang problema sang illegal drugs sa probinsya

By: Aine Grace Bravo

Nagla-in ang bu-ot ni Guimaras Governor Samuel Gumarin sa pahayag ni Pastor Ed Casidsid sang Jesus Disciples Church sa Alaguisoc, Jordan Guimaras nga malala na ang problema sang illegal drugs sa probinsya.

Ginkontra man sini ang sentimento sang pastor nga wala nagahulag ang mga local officials agud matapna ang illegal nga druga. Ginkuwestyun ni Gumarin ang motibo ni Casidsid sa pagpaguwa sang pahayag nga suno sa iya posible maka-apekto sa turismo sang probinsya.

Wala nagapati ang gobernador nga malala ang problema sa illegal drugs bangud maayo ang performance sang kapulisan san nagligad nga tuig kag madamu sila sang nadakpan nga durugista. Gin-athag sini nga indi lang si Casidsid ang masupog nga nagakampanya kontra illegal nga druga kundi bisan ang mga lokal nga opisyal kag kapulisan.