By: Jocelyn Gelloagan-Maque

Gindayaw ni Guimaras Vice Governor Vicente De Asis ang aktibo nga kampanya ni Pastor Ed Casidsid sang Jesus Disciples Church batuk sa illegal drugs.

Madamo nga pamatan-on ang nasalbar ni Casidsid suno kay De Asis sa iya pagpaathag nga maguba ang ila buwas damlag kon malulong na sa ginadumili-an nga druga.

Nagapati ang Bise Gobernador nga kon magpadayon ang advocacy ni Casidsid batuk sa illegal drugs, madula man ang mga drug personality sa Guimaras.

Kadam-an sang mga nadakpan nga drug personalities sa Buenavista kag Jordan wala sang piyansa nga ginrekomendar ang korte para sa ila temporaryo nga kahilwayan.

Samtang ginpabutyag ni De Asis nga maayo ang ginhimo ni Buenavista Mayor Eugene Reyes nga ginpa-drug test ang mga tripulante sang pumpboat nga nagabiyahe Buenavista–Iloilo and vice versa.

Mabudlay man suno sa bise gobernador kon malulong sa illegal drugs ang mga tripulante bangud mabutang sa delikado ang kabuhi sang mga pasahero.

Leave a Reply