By: Aine Grace Bravo

Arestado ang taxi driver matapos ginreklamo sang 30-anyos nga call center agent nga nagdala sa iya sa lodging house kahapon.

Suno kay Inspector Armando Dullesco sang Arevalo Police Station, nagsakay ang babaye sa Jaro kag mapadul-ong kuntani sa Arevalo apang natulugan sa sulod sang salakyan. Sa baylo nga i-diretso ni alyas Noel 44-anyos kag driver sang MMM Taxi sa police station ang babaye, gindiretso niya ini sa Moonlight Lodge sa Sto. NiƱo Sur, Arevalo.

Gin-alegar sang tagreklamo nga samtang yara na sa garahe sang lodging house ang taxi, ginpukaw siya sang driver samtang ginahurikap ang mga pribado nga parte sang lawas. Todo panghiwala naman si alyas Noel sa alegasyon sang babaye.

Preso na si alyas Noel sa karsel sang Arevalo Police Station.

Leave a Reply