Maasin: 6-ka tuig nga bata, ginpahayag nalumos sa swimming pool!

By: Joceyn Gelloagan-Maque

Patay na ang 6-kat uig nga bata sang gindala sa Ramon Tabiana District Hospital nga ginpahayag nalumos sa swimming pool sa Villa Teresita sa Massin kahapon.

Ginkilala ni Senior Inspector Daniel Robles, hepe sang Maasin PNP ang biktima nga si Alisa Mae Mendez sang Barangay Nagba.

Suno kay Robles, nalumos si Alisa sa adult pool nga nagadalum sang 5 ka tapak kag ulihi na nga natalupangdan sang caretaker.

Bisan ang mga ginikanan suno kay Robles ang wala makatalupangod nga nalumos ang ila bata.