Iloilo: Opisina sang BIR bukas subong nga adlaw sa pag-akomodar sa mga Taxpayer nga maga-file sang Income Tax Return!

By: Nemesio Martirez

Bukas ang opisina sang Bureau of Internal Revenue ukon BIR halin alas 8 sa aga tubtub alas 5 sa hapon subong nga adlaw. Tuyo sini suno kay BIR district 11 Director Romulo Aguila Jr. nga ma-akomodar ang mga taxpayer nga maga file sang ila income tax return. Magluwas sa opisina sang BIR bukas man suno kay Aguila ang mga bangko agod magbatun sang bayad sang mga taxpayer. May ginpahamtang man nga tax tulongan center sa mga mall agod mag-asist sa mga taxpayer.Wala naman sang extension ang filing sang ITR nga tubtub gid lamang sa abril 15 halin alas 8 sang aga tubtub alas 5 sa hapon ang deadline. Ang taxpayer nga maga lapaw sa deadline suno kay aguila maga multa sang 25 porsiento nga surcharge, 20 porsiento nga interest kag may compromise penalty.