By: Aine Grace Bravo

Nakibot ang barangay kagawad matapos nasapwan nga may nahigut nga granada sa shock sang iya motorsiklo nga iya ginparada sa compound sang Jaro Cathedral kaina sang kaagahon.

Suno kay Barangay Kagawad Sofronio Salazar sang Democracia, Jaro, posible nga ginbutang ang granada antes pa siya nakahalin sa iya balay kag maayo nga wala naglupok samtang nagabiyahe siya. Nagkadto sa simbahan kag nagjogging si Salazar antes nakita ang granada.

Ginpanindugan sini nga wala siya sang kaaway sa ila lugar gani palaligban kon sin-o ang nagbutang sang granada.

Leave a Reply