By: Nemesio Martirez
Indi magpati ang police nga sa compound sang Cathedral ginbutangan sang granada ang shock sang motorsiklo ni Kagawad Sofronio Salazar sang Democarsia Jaro. Nagapati si Chief Inspector Herbert Ballego sang Jaro PNP nga antes nagpadulong sa cathedral si Salazar nabutang na ang granada sa iya motorsiklo apang wala lang niya matalopangdan. Nahigtan sang nylon cord ang safety pin sang granada suno kay Ballego nga nabugkos sa shock absorber kag radius sang motorsiklo. Sa maayo nga palad wala naglopok ang nasambit nga granada.