Iloilo City: Babaye, nagreklamo nga ginhuyapan sang lalaki nga nagkuha sang iya serbisyo para sa hingalit nga kalipay

By: Aine Grace Bravo

Nagdiretso sa police station para magreklamo ang babaye nga gintapungol kag ginhuyapan sang lalaki nga nagkuha sang iya serbisyo para sa hingalit nga kalipay.

Suno kay alyas Kerry Ann nga tumandok sang Silay City, Negros Occidental, nag-check in sila sang lalaki nga wala sini ginhingadlan sa lodging house sa Bolilao, Mandurriao. Nakibot na lang ang babaye sang ginpapanaug siya sang lalaki sa motorsiklo matapos sila nagguwa sa lodging house kag gulpi siya nga gintapungol.

Indi pa gid ma-athag ang rason sang pagtapungol sang lalaki kay alyas Kerry Ann.