By: Jocelyn Gelloagan-Maque

Ginpasaka na ang kaso batuk sa mga ginatudlo nga nagpangawat sang kwarta sa treasurer’s office sang Ajuy, Concepcion kag San Dionisio.

Suno kay Iloilo Police Provincial Office (IPPO) Director S/Supt Cornelio Salinas, nagapangatubang sang kaso nga Robbery with force upon things sanday Ronel Dorde sang Barangay Preciosa, Sara nga gintudlo nagsulod sa treasurer’s office sang San Dionisio; Helnard Jaime, watchman sang Concepcion kag Danny Apostol, security guard sang Ajuy Municipal Building kag mga John Does.

Gin-athag ni Salinas nga ginkasuhan man ang mga John Does sa pagpati nga makatudlo ini sa iban pa nga mga suspetsado nga nagkawat sang kwarta sa 3 ka munisipyo.

Ginabanta sa masobra P1-M ang nakuha sang ginsulod ang mga munisipyo sang Concepcion, Ajuy kag San Dionisio.

Si Donde suno kay Salinas ang ginatudlo man nga nadalahig sa sunod-sunod nga kinawatay sa Kinto Distrito kag East West bank robbery.

Leave a Reply