By: Jocelyn Gelloagan-Maque

Ginpaidalum sa random drug test ang 31 ka pulis sang Guimaras Police Provincial Office ukon GPPO//

Suno kay GPPO OIC Supt. Alberto Pabalan, ang nasambit nga tikang kabahin sang cleansing process program sang Philippine National Police.

Sa 31 ka ginpa-drug test, ginalakipan ini sang napulo ka police officials sang GPPO kag 21 ka Police Non-commission Officers ukon mga naga-ranggo sang Police Officer 1 tubtub Senior Police Officer 4.

Ginpahayag ni Pabalan nga kalakip sa ginpa-drug test ang mga pulis nga ginadudahan nagagamit sang illegal nga druga.

Ang random drug test suno kay Pabalan ang ginhinyo mismo ni GPPO Director Ricardo Dela Paz sa Campo Delgado kasunod sang naguwa nga report nga may mga pulis nga ginaalegar involved sa illegal nga druga.

Leave a Reply