By: Jocelyn Gelloagan-Maque

Indi mag-untat ang Oplan Limpyo Barangay Bravo (OLBB) sa paglagas sa mga drug personality sa anum ka mga drug-affected barangay sa Molo.

Suno kay Police Supt. Kim Legada, hepe sang OLBB sang Iloilo City Police Office (ICPO), kun indi magpamati ang mga drug pusher, dakpon sila paagi sa drugbust operation samtang tinguhaan naman nga mapa-rehab ang mga drug users.

Nakumpirmar ni Legada nga madata ang illegal drugs sa Barangay South San Jose, Molo kasunod sang pag-demolish sa apat ka drug dens sa diin narecover ang madamu nga drug paraphernalia.

Magluwas sa South San Jose, subject man sa drug clearing operations sang ICPO ang Barangay Tap-oc, North San Jose, Avanceña, San Pedro kag San Antonio.

Leave a Reply