By: Aine Grace Bravo
Dakup sa drug bust operation sang Philippine Drug Enforcement Agency (PDEA) 6 ang ginpahayag drug personality sa Brgy. Desamparados, Jaro kahapon.
Nabaklan sang ginapatihan illegal nga druga si Vida Mae Obregon, 45-anyos sang amo man nga lugar. Gin-aresto man sang mga operatiba sang PDEA ang pito pa ka ginapatihan durugista nga nagbisita sa balay ni Obregon. Ginkilala ang mga ini kanday Nicole Grace Obregon, 32-anyos sang Muelle Loney, City Proper; Rey Leyte, 33-anyos sang Concepcion, Iloilo; Rex Vigor, 18-anyos sang Concepcion, Iloilo; Gani Epifanio, 33-anyos sang Tabuc Suba, Jaro; Junicel Montenegro, 37-anyos sang Alimodian; Lloyd Cartena, 25-anyos sang Fajardo Extension, Jaro kag Marcos Philip Espelego, 23-anyos sang Desamparados, Jjaro.
Nakumpiskar kay Vida Mae ang 14 pa ka plastic sachets sang suspected shabu. Natalana nga ipa-idalum sa drug test ang mga nadakpan nga preso na sa karsel sang PDEA 6.