By: Aine Grace Bravo
Handa ang Land Transportation Office 6 nga maghatag sang konsiderasyon sa mga depasahero nga salakyan sa probinsya kon hingyuon nga hagan-haganon ang pagpanakop sa mga may minor violations sa Joint Administrative Order.
Pahayag ini ni LTO 6 Director Dennis Singson kasunod sang pagpasugot nila sa hingyo sang city government. Kinahanglan lang suno sa iya maghatag sang request ang taga-probinsya agud mangin alalangay ang pagpatuman nila sa probisyon sang JAO.
Gin-athag naman ni Singson nga subject pa sa approval sang DOTC ang na-istoryahan nila sang city council. Dapat nga mabutang sa memorandum of agreement ang naistoryahan agud may basehan sa pagpatuman sang JAO.