Jaro, Iloilo City: Barangay Tacas, wala sang problema sa supply sang tubig

By: Aine Grace Bravo

Wala sang problema sa supply sang tubig ang Brgy. Tacas, Jaro.

Suno kay Punong Barangay Joseph Porral, tayuyon ang tubod sang tubig sang Metro Iloilo Water District sa ila barangay bangud yara sa ila lugar ang main pipeline sang MIWD. Ginpabutyag ni Porral nga wala man nagakabalaka ang mga residente sini bisan indi magtubod ang tubig sa gripo sang MIWD bangud kalabanan nagagamit sang tubig halin sa bubon.

Nag-implementar ang MIWD sang water rationing bangud sang pagnubo sang ila supply dala sang tuman ka init nga panahon.