By: Aine Grace Bravo
May ginplastar nga apat ka mga immediate solutions sa problema sang water supply ang daan nga mga miembro sang Metro Iloilo Water District (MIWD) Board kay Governor Arthur Defensor antes nag-resign sa water district.
Pahayag ini ni Engr. Adrian Moncada, anay miembro sang MIWD. Para ini kuntani suno sa iya sa gina-antisipar nga problema sa kakulang sang tubig sa summer kag APEC meeting sa syudad.
Ginalakipan ini sang rehabilitation sang mga deep well, pagpa-bid sang dugang nga 5 thousand cubic meters nga deep well sa San Miguel agud pasudlan sang mga naga-egsister nga linya, pagpa-bid sang dugang pa gid nga 10 thousand cubic meters nga water supply para sa Sta. Barbara water treatment plant, kag ang pagpahimo sang bag-o nga pipeline halin Leganes pakadtu sa Ungka, Jaro agud mapasulod ang 10 thousand cubic meters nga balanse sa 15 thousand cubic meters halin sa bulk water supplier.
Naka-resign suno kay Moncada ang daan nga MIWD board apang wala napatuman ang ila mga solution.