By: Aine Grace Bravo

Hingyu-on ni Mayor Jed Patrick Mabilog ang City Council nga magpasar sang resolution nga nagadeklarar sa syudad sa state of calamity kun magapadayon sa masunod nga semana ang problema sa water shortage.

Gin-athag sang alkalde nga indi pa matandog ang calamity fund sang syudad bangud ginpa- idalum pa lang ini sa state of imminent water crisis. Naghatag si Mabilog sang isa ka semana nga plaso para sa problema kag kun wala gihapon sang mehora, mahinyo sa konseho nga magpasar sang resolution.

Mahimo na magamit suno sa alkalde ang ginpa-in nga 3 milyon ka pesos nga pundo sa tion madeklarar sa state of calamity ang syudad. Magamit man sang mga barangay nga nagaa-experyensya sang water crisis ang 5% sang ila calamity fund kon kinahanglanon.

Leave a Reply