Lambunao, Iloilo: (UPDATE) 2 ka suspek sa pagpatay kay Punong Barangay Raul Ganadillo, nanghiwala sa kahilabtanan sa krimen

By: Aine Grace Bravo

Ginpanghiwala nanday Crisanto Caro kag Joey Miranda sang Poblacion Ilaya, Calinog nga sila ang nagtiro-patay kay Pandan Punong Barangay Raul Ganadillo.

Nadakpan sanday Caro kag Miranda sa manhunt operation sang Lambunao police kahapon matapos gintudlo sang mga testigo. Ginpahayag nga ginpintahan pa sang mga suspek ang motorsiklo nga ginapatihan gingamit sa pagpalagyo pagkatapos sang krimen.

Nagasakay si Ganadillo sa iya owner-type jeep halin sa Poblacion padulong sa Pandan sang gin-ipingan sang riding-in-tandem sa Barangay Tranghawan kag gintiro sa wala nga kilid sang lawas gamit ang 12-gauge shotgun nga gintunaan sang iya kamatayon.