By: Jocelyn Gelloagan-Maque
Gin-athag sang iloy sang napatay nga wanted person nga si Richard Cobarrubias alyas Cabal nga wala sila sang kahilabtanan sa pagtiro patay sa mag-live in partner nga sanday Rex Develos kag Melba Duchilla sa Brgy. Acuit, Barotac Nuevo.
Reaksyon ini ni Mrs. Elwima Cobarrubias sa pahayag sang Barotac Nuevo police nga nagtimalos ang grupo nanday Rolando Magno alyas Totong kag Cabal sa mga biktima.
Ginpasibangdan sanday Develos kag Duchilla nga nagtudlo sa ginapanagu-an nanday Magno kag Cubarrubias.
Sanday Magno kag Cubarrubias ang napatay sang na-engkuwentro ang mga miembro sang Iloilo Police Provincial Office (IPPO) kag Barotac Nuevo police sang Enero 26.
Ginatudlo ang duha ka wanted persons nga nagpatay sa bana ni Lemery Mayor Ligaya Apura.