By: Aine Grace Bravo
Ginabanta sa isa ka kilo sang suspected shabu nga balor 6 milyones pesos ang nakuha sa mag-utod sa buybust operation sa People’s Terminal sa Brgy. Ungka, Pavia kahapon.
Nadakpan sa operasyon sang Provincial Anti-Illegal Drug Special Operations Task Group (PAIDSOTG) ang mag-utod nga Dennis Paderog, 38-anyos sang Cuartero, Jaro kag Christopher Paderog, 23-anyos sang Tagbak, Jaro. Suno kay PAIDSOTG Team Leader Insp. John Ryan Doseo, bag-o lang nakaguwa sa New Bilibid Prison si Dennis apang gilayon nga nagbalik sa pagduso sang illegal nga druga. Ginpahayag nga nagtuyo pa magpalagyo si Christopher sakay sa Nissan Sentra apang napalukpan sang pulis kag nakibyasan sa dulunggan.
Ginpahayag ni Iloilo Police Provincial Office (IPPO) Director Sr/Supt. Cornelio Salinas nga konektado sa mga dalagku nga drug personalities sa syudad sang Iloilo si Dennis.