By: Jocelyn Gelloagan-Maque

Pito ang pilason sang ginbunggu-an sang 10-wheeler truck ang ila ginasakyan nga van sa Barangay Baldoza, La Paz kaina sang aga.

Gindala sa Iloilo Mission Hospital sanday Cesar Palmares, 56-anyos; Bryan De Leon, 23-anyos sang Baldoza La Paz; Irene Denglata, 60-anyos sang Managit Dumangas; Charity Joy Dollesco, 23-anyos sang Lacturan Dumangas, Merlita Dollesco, 62-anyos sang Dumangas; kag alyas Lea, 16-anyos sang Bolilao Dumangas.

Confine naman sa West Visayas State University Medical Center si Lyn-Lyn Claver, 23-anyos sang Baldoza La Paz.

Suno sa driver sang 10-wheeler truck nga si Mark Amyan, 35-anyos sang Brgy. South San Jose Molo, nadulaan siya sang premo rason nga nabunggu-an ang van.

Antes sang van, nabunggu-an man sang 10-wheeler truck ang tricycle kag isa pa ka truck antes nasalakay ang poste nga nagresulta sang brownout.

Leave a Reply