Iloilo City: PECO, liwat nagpasalig nga wala sang brownout sa Pacquiao-Mayweather megafight!

By: Jocelyn Gelloagan-Maque

Ginpasiguro liwat ni Engineer Randy Pastolero sang Panay Electric Company (PECO) nga wala sang matabu nga brownout sa sambuwa ni fighting Congressman Manny Pacquiao subong nga adlaw.

Magluwas sa naka-deploy nga standby team, nakahanda naman suno kay Pastolero ang iban nila nga supplier agud maghatag sang dugang nga supply kon kinahanglan.

Una na ginpahayag ni Engr. Pastolero nga nakahimo sila sang maintenance sang nagligad nga semana agud masiguro nga tayuyon ang pagtan-aw sang mga Ilonggo sang Mayweather-Pacquiao megafight.