By: Jocelyn Gelloagan-Maque
Na-pressure nga magbayad sang utang ang preso sang Bureau of Jail Management and Penology (BJMP) District Jail sa Brgy. Ungka, Pavia.
Ini ang motibo nga ginasunod sang Jaro PNP sa pag-suicide ni Liningird Salvalosa, 29-anyos sang Lopez Jaena, Jaro kagab-i.
Suno kay Chief Inspector Herbert Ballego sang Jaro PNP, wala mabayaran ni Salvalosa ang utang sa mga preso kahapon bangud na-alang alang sa kuwarta ang iya ginikanan.
Nabasahan man sa cellphone message ni Salvalosa sa iya pamilya nga nagapabutyag sang katapusan nila nga pagkit-anay kag wala na ginapa-reply sa iya mensahe.
Naghikog si Salvalosa paagi sa paghigot sang malong sa iya le-og kag ginhigot sa kahoy nga naangut sa kisame sang kasilyas.
Si Salvalosa ang gin-preso sa BJMP District Jail bangud sa pagbaligya sang illegal nga druga.