Pototan: Bisita sang preso sa IPIJ, nakuhaan sang illegal nga druga!

By: Jocelyn Gelloagan-Maque

Nadakpan nga nagahupot sang illegal drugs ang babaye nga nagbisita sa preso sa Iloilo Provincial Integrated Jail (IPIJ) sa Barangay Nanga, Pototan.

Suno kay SPO4 john Pasaporte sang Pototan PNP, nakuha sang jailguard kay Maricon Grapiñas, 30-anyos sang Brgy. Dungon-A, Jaro, ang plastic sachet sang suspected shabu nga ginabanta nagabalor sang isa ka libo ka pesos.

Nakuha ang suspected shabu sa suludlan sang potato chips suno kay Pasaporte.

Si Grapiñas ang nagbisita kagab-i sa preso nga si Michael Libo sang Dumangas nga may kaso man nga paglapas sa probisyon sang Comprehensive Dangerous Drugs Act of 2002 ukon ang pagbaligya sang illegal nga druga.