By: Aine Grace Bravo

Ginkumpirmar ni Ms. Noemi Tabugo, Senior Science Research Specialist sang Department of Agriculture Regional Crop Protection Center nga rice black bug ang nag-atake sa New Site, Bitoon, Jaro.

Suno kay Tabugo, nagsugod sa pag-atake ang rice black bug sa Northern Iloilo partikular sa San Dionisio, Sara kag Ajuy pakadtu sa 2nd district. Base sa record sang DA 6, gin-atake man sang rice black bug ang Sta. Barbara Airport, Calinog, Dumangas, Passi City, Bingawan kag New Lucena. Premier distrito lang suno kay Tabugo ang wala pa sang na-record nga black bug incidents.

Ginpabutyag sini nga naghagan-hagan na kun paminsaron ang pag-atake sng rice black bug sa probinsya kumparar sa nakaligad nga tatlo ka tuig sa diin tag-napulo ka sako ang natipon sa tiun sang full moon kon nagahimo sang light cropping ang mga mangunguma. Ginpaathag ni Tabugo nga naga-migrate ang mga rice black bug paagi sa pag-amag sa suga sang mga bus kag barko. Una nga naghalin suno sa iya ang black bug sa Palawan kag nagsaylo sa Negros Occidental tubtub sa Northern Iloilo.

Leave a Reply