By: Aine Grace Bravo
Tatlo ka mga marching orders ang ginhatag ni BJMP 6 Director Rex Delarmente kay Jail Supt. Gilbert Peremne kasunod sang pagbutang sa iya nga officer-in-charge sang BJMP district jail sa Ungka, Jaro.
Ginalakipan ini sang pag-secure sa mga preso, mas istrikto pa gid nga pag-search sa mga bisita agud indi makalusot ang mga kontrabando kag paghiwat sang dayalugo sa mga preso agud masiguro nga wala sang magtuhaw nga gamu. Nagapati si Delarmente nga kon may gamu sa tunga sang mga preso, ginatunaan ini sang mga insidente.
Nagpaguwa sang mandu si Delarmente matapos kasunod sang kamatayon sang mga preso nga sanday Kristian Buivan kag Lenin Gerd Salvalosa nga una ginreport naghikug. Apang nakumpirmar sa autopsy result nga ginpatay ang mga preso kag ginatudlo motibo ang pagkadalahig nila sa illegal drug activities sa sulod sang presuhan.
Ginpabutyag ni Delarmente nga gina-imbestigaran na ang mga personnel nga natabuan sang insidente kalakip na si relieved Jail Warden John Montero.