Iloilo City: Pagpasilabot sang mga Guimarasnon sa ginapatindog nga Guimaras Iloilo Ferry Terminal, gina-welcome ni Councilor Plaridel Nava

By: Jocelyn Gelloagan-Maque

Welcome para kay Councilor Plaridel Nava ang pagpasilabot sang mga Guimarasnon sa ginapatindog nga Guimaras Iloilo Ferry Terminal (GIFT) sa Parola Area.

Suno kay Nava, mas maayo nga naguwa ang mga isyu sa GIFT project agud mabatian ang concerns sang mga Guimarasnon. Nagpasar ang Guimaras Provincial Board sang resolution nga nagaduso nga mag-intra sa proyekto bangud apektado sila kon mahuman na ini.

Nagreklamo ang mga Guimarasnon bangud nabutang sa Joint Venture Agreement (JVA)  sang syudad kag Double Dragon Properties Inc. nga sukton sila sang P11 nga terminal fee kag siraduhan man ang Jordan kag Ortiz wharf.

Suno kay Guimaras Vice Governor Vicente De Asis, wala gid sila nakonsulta antes gimpirmahan ang JVA kag ginsuguran ang proyekto.