By: Aine Grace Bravo

Gina-require sang Department of Interior and Local Government (DILG) 6 nga magsumiter sang terminal report ang mga barangay officials nga nag-upod sa lima ka adlaw nga lakbay aral sa Luzon.

Suno kay Atty. Ferdinand Panes sang city DILG, magluwas pa ini sa re-entry action plan nga ginapa-sumiter sa kada barangay sa syudad. Lakip lang sa kaundan sang terminal report ang ginkadtuan nga mga lugar, mga natun-an nga best practices, kag mga nagasto sang nag-upod nga barangay officials.

Kinahanglan naman suno sa iya nga magsumiter ang kada barangay sang re-entry action plan sa diin nabutang ang mga plano sang mga opisyales sa masunod nga tinuig base sa nakuha nga best practices sa mga ginkadtuan nga lugar. Ang re-entry action plan suno sa iya ang isa sa mga paagi sang DILG nga ma-monitor kag ma-supervise ang mga aktibidad sa barangay.

May kinse ka adlaw ang mga punong barangay sa pagsumiter sang re-entry action plan kag terminal report sa DILG 6.

Leave a Reply