By: Aine Grace Bravo
Shabu ang ginahimo nga pangbayad sa bilyaran. Ginbuyagyag ini sang manugtaho nga nadakpan naga-pot session sabilyaran sa Uswag Subdivision sa Barangay San Isidro, Jaro kagab-i.
Suno kay Ronaldo Villagomez, ginbayad lang sa iya ang shabu nga nakuha sa iya sang mga otoridad nga nagsulong sa bilyaran. Nakapalagyo naman ang iban pa sini nga mga kaupdanan.
Gin-ako naman ni Villagomez nga apat ka tuig na siya nga nagagamit sang illegal nga druga. Ginpamilit naman sini nga wala siya nagabaligya sang shabu. Ang sala lang niya suno pa sa iya amo ang pagbakal sang illegal drugs sa baylo nga gamiton ang kita niya sa pagbaligya sang taho sa pagkaun sang iya mga bata.