By: Jocelyn Gelloagan-Maque

Gin-dismiss ang kaso nga Obstruction of Justice batuk kay Mrs. Gemma Villareal, iloy ni Sirius Gim Villareal nga gintudlo main suspect sa paghimulos sa sulod sang iya salakyan sa 19-anyos nga babaye nga ginpudyot sa Diversion Road kag ginbilin sa Oton.

Ginkonfirmar ni Inspector Hermogenes Eulatic, hepe sang Tigbauan PNP, nga ginpaguwa kahapon sang fiscal ang resolution nga pirmado ni Assistant Prosecutor Edwin Sustituya.

Gintumod nga rason sa pag-dismiss sang kaso ang kapaslawan sang police nga maka-establisar sang probable cause batuk kay Mrs. Villareal.

Gin-aresto si Mrs. Villareal matapos nakapalagyo ang iya bata sang gindakup sang mga pulis sa ila balay sa Tisoy Village, Barangay 7 (Siete) sa Tigbauan.

At-large tubtob subong si Sirius Gim. Nagapabilin naman nga na-confine sa ospital si Mrs. Villareal matapos naglain ang pamatyag sang gin-aresto.

Leave a Reply