By: Aine Grace Bravo

Posible nga ma-implementar sa subong nga semana ang Clamping Ordinance sang syudad matapos nag-isyu sang legal opinion ang City Legal Office nga wala sang violations sa kontrata sa tunga sang city government kag sang 3L Towing Services.

Suno kay Councilor Plaridel Nava, chairman sang Committee on Transportation sang City Council, ginahulat na lang sang konseho nga makapaguwa sang notice to proceed si Mayor Jed patrick Mabilog para sa pagpatuman sang ordinansa. Gin-hold sang alkalde ang kontrata matapos natukiban nga wala ini nag-agi sa competitive bidding.

Ginpahayag ni Nava nga magapatawag sila sang sinapol sa 3L Towing Services kag TMTRO sa tion nga maka-isyu sang notice to proceed si Mabilog agud masuguran ang implementasyon sang ordinansa.

Leave a Reply