By: Aine Grace Bravo

Tapuson subong nga adlaw sang Bureau of Jail Management and Penology (BJMP) 6 ang imbestigasyon sa pagkamatay sang duha ka preso sa Iloilo City District Jail sa Ungka, Jaro.

Nagalaum si BJMP 6 Jail S/Insp. Jimmy Britanico nga ma-finalize nila sa Lunes ang investigation report agud masolbar ang kaso sa pagpatay kanday Kristian Buivan kag Lenin Gerd Salvalosa. Nakuha na sang mga imbestigador ang statements sang mga preso nga subject sang imbestigasyon kag nakita nga madamo sang inconsistencies sa ila pahayag.

Ginpahayag ni Britanico nga ang ila investigation report ang mangin dugang nga basehan sa findings sang Jaro police. Partikular nga ginahibalo sang BJMP 6 ang kapabayaan sang mga personnel. Nagapati si Britanico nga contributory sa kapabayaan sang mga personnel ang kagutok sang presuhan sa diin natamaran na sila nga magsulod kag mag-tsekyar sa sitwasyon sang mga preso.

Leave a Reply