Iloilo City: Mayor Jed Patrick Mabilog, nagahandum nga mahilway sa illegal drugs ang 180 ka mga barangay kon siya gihapon ang alkalde tubtob 2019

By: Aine Grace Bravo

Ginasikway ni Mayor Jed Patrick Mabilog ang ilegal nga druga sa syudad. Mensahe ini sang alkalde sa culminating activity sa Oplan Limpiyo Bravo sa distrito sang Molo sa diin anum ka barangay ang gin-clear sa illegal drugs.

Suno kay Mabilog, kon hatagan siya sang tsansa nga makapadayon sang termino tubtob sa 2019, himuon sini ang tanan agud ma-clear sa illegal drugs ang 180 tanan ka barangay sa syudad. Sa culminating activity sa Molo kahapon, gindeklarar nga drug-cleared ang San Antonio, Tap-oc, Avanceña, North San Jose, South San Jose kag San Pedro. Una na gin-clear sa distrito sang Lapaz ang Aguinaldo nga barangay ni Liga President Carlos Guarin, Rizal, Railway, McArthur, Divinagracia, Alalasan kag Punong.

Samtang ginhangkat ni Mayor Mabilog ang pumuluyo nga magbuligay agud mangin madinalag-un ang kampanya kontra illegal drugs.