By: Aine Grace Bravo

Nag-upod ang mga eskwelahan sa Region 6 sa nationwide Brigada Eskwela program sang Department of Education nga nagsugod subong nga adlaw.

Suno kay Dr. Eden Deriada, Education Support Services Division Chief sang Dep-Ed 6, magalawig tubtub sa Mayo 23 ang Brigada Eskwela. Sa syudad, ginhiwat ang kickoff ceremony sa Arevalo Elementary School.

Katuyuan sang Brigada Eskwela nga matinluan ang tanan nga buluthuan kag ma-preparar sa pagbukas sang klase sa Hunyo 1. Magabuligay suno kay Dr. Deriada ang mga ginikanan, manunudlo, estudyante kag mga volunteers nga magpaninlo, magkaayo sang mga guba nga bangko kag magpaminta sa eskuwelahan.

Leave a Reply