By: Aine Grace Bravo

Gin-admit sa ospital si Governor Arthur Defensor matapos nagnubo ang blood pressure kag nagpin-ot ang dughan kahapon.

Suno kay Provincial Administrator Raul Banias, ginpanugyanan nila ang gobernador nga magpa-ospital sang nakita nga nagpalangyami ini pagkatapos sang flag ceremony sa provincial capitol. Una nga gin-admit sa emergency room sang St. Paul’s Hospital si Defensor kag ginpa-idalum sa electrocardiogram test (ECG) apang negatibo ang resulta.

Nagbatyag suno kay Banias ang gobernador sang pagpin-ot sang dughan rason nagdesisyun ang mga doktor nga i-angiogram ini agud madula ang kahangawa nga may yara siya sang heart condition. Ginsaylo sa The Medical City si Defensor sa diin ginhimo ang angiogram kag nakita nga may nagbara nga ugat sa iya corazon gani gindesisyunan sang mga doktor nga ipa-idalum ini sa angioplasty.

Nagapabilin nga confine sa The Medical City si Defensor kag posible nga makaguwa makaligad ang lima tubtob pito ka adlaw.

Leave a Reply