Tigbauan: Barangay Kagawad nga suspect sa shooting incident, ginadudahan miembro sang RPA-ABB

By: Jocelyn Gelloagan-Maque

Gina-verify pa sang Tigbauan police kon miembro sang RPA-ABB ang nakatiro patay sa lalaki sa Barangay Isian kagab-i.

Suno kay Inspector Hermogenes Eulatic, nagpangayaw sa pihak nga barangay ang biktima nga si Alex Torre sang Barangay Lanag bangud sa awarding sang liga.

Ginpahayag naga-inom inom ang biktima upod ang iya mga abyan sang ginpalapitan sang suspek nga si barangay kagawad Roger Tobola kag gintiro.

Madasig nga nagpalagyo ang suspek pagkatapos sang insidente. Base sa pagpangusisa sang mga pulis, may daan nga hiligut-anon ang biktima kag suspek.