By: Aine Grace Bravo

Ginhatagan ni Mr. Ariel Castañeda, bag-o nga head sang Local Economic Enterprise Office (LEEO), ang iya kaugalingon sang tatlo ka bulan nga plaso agud ma-assess ang opisina.

Suno kay Castañeda, madamo siya sang dapat tadlungon kag i-implementar nga improvement sa mga merkado publiko sang syudad. Posible nga maglawig sang isa ka tuig suno sa iya antes mahibaluan kon puwede na nga mangin self-sustaining ang mga merkado. Tutukan ni Castañeda sa iya pagpangalagad ang pagtinlo sa organisasyon, pagpasanyog sang koleksyon kag pagdula sang deficit sa ginabayaran nga electric bill sang syudad.

Sa gina-plano naman nga pag-privatize sang Iloilo Central Market, ginpabutyag ni Castañeda nga ginapaboran niya ini kon indi madulaan sang puwesto ang mga vendors.

Leave a Reply