By: Jocelyn Gelloagan-Maque

Nagreklamo ang mag-asawa nga Noel kag Rowena Parcia nga awardees sang duta kag balay sa relocation site sa San Isidro, Jaro matapos naabtan nga lain na nga tawo ang naga-istar sa ila balay pagbalik halin sa bakasyon.

Suno kay Rowena, nagbakasyon sila sang iya pamilya sa Lemery sang Marso sang nagligad nga tuig kag nagbalik man pagkasunod nga bulan.

Apang nakibot ang mga ini nga may naga-istar na sa ila balay. Gintudlo ni Rowena si Alimar Silvederio sang Iloilo City Urban Poor Affairs Office (ICUPAO) nga naghatag sang balay sa bag-o nga okupante bangud gin-alegar nga gin-abandonar nila.

Naga-istar na lang suno kay Rowena ang iya pamilya sa balay sang ila kumpare samtang masobra isa ka tuig nga ginahulat ang promisa sang ICUPAO nga ibalik ang ila balay.  2010 sang gin-award sa mag-asawa ang balay kag duta.

Leave a Reply