By: Aine Grace Bravo
Ginreklamo ni Liga ng mga Barangay President kag Ex-Officio City Councilor Carlos Guarin sa Sangguniang Panlungsod ang guba nga aircondition units kag elevator sa 6th floor sang City Hall building.
Sa iya nga privilege speech sa regular session sang konseho kahapon, nag-sponsor sang resolution si Guarin nga nagahinyo kay Mayor Jed Patrick Mabilog nga aksyunan ang reklamo. Suno kay Guarin, masobra na sa isa ka bulan nga wala naga-function ang elevator sa 6th floor rason nga nagagamit sang hagdan ang mga empleyado sa pagsaka sa panalgan. Naga-antos man suno sa iya sa init ang mga empleyado kag apektado ang ila trabaho bangud sang guba nga aircon. Indi bastante suno kay Guarin ang electric fan agud mapahagan-hagan ang kainit sa lugar.
Ginrason sang konsehal nga makapila na nila ka beses gindangup kay Building Administrator Victor Facultad ang ila reklamo apang wala sini gin-aksyonan.