By: Aine Grace Bravo

Indi kinahanglan nga konsultahon ang Guimaras provincial government sa ginapatindog nga Guimaras-Iloilo Ferry Terminal (GIFT) sa Parola area.

Sa pagpakig-istorya ni Councilor Plaridel Nava kay Mabilog sang damlag lang, ginpahayag nga wala ini nagapati nga kinahanglan ang partisipasyon sang mga Guimarasnon sa joint venture agreement bangud proyekto sang syudad ang GIFT. Ginmuno pa sang alkalde suno kay Nava nga wala man ginkonsulta sang mga Guimarasnon ang taga-syudad sang ginpatindog ang pantalan sa Jordan kag Buenavista. Apang ginpahayag ni Mabilog nga diretso sang mga taga-Guimaras kon magdangup sila sa korte agud punggan ang proyekto.

Gin-athag naman ni Nava nga indi na mabag-o sang alkalde ang desisyon sang City Council nga i-review ang kontrata sa tunga sang city government kag sang Double Dragon Properties, Inc. ilabe na ang pagpasumiter sa developer sang master development plan sa proyekto.

0 thoughts on “Iloilo City: Mayor Jed Patrick Mabilog, nagpanindugan nga indi na kinahanglan konsultahon ang mga Guimarasnon sa Guimaras-Iloilo Ferry Terminal”

Leave a Reply