By: Aine Grace Bravo
Gina-monitor sang maayo sang mga doktor ang kondisyon ni Governor Arthur Defensor matapos ini ginpa-idalum sa gallbladder operation ukon Cholecystectomy.
Suno kay Provincial Administrator Raul Banias, nagahalong ang mga doktor nga agud malikawan ang komplikasyon sa operasyon ilabe na nga bag-o lang ginpa-idalum sa angioplasty ang gobernador. Maayo lang suno kay Banias bangud wala gindugo ang gobernador samtang ginahimo ang ikaduha nga operasyon sa iya.
Nagdesisyun ang mga doktor nga kuhaon ang gallbladder stones ni Defensor matapos nakita nga amat-amat ini nga nagapanaug nga rason sang pagsakit kag pag-butod sang iya tiyan. Ginbalik sa Iloilo Saint Paul’s Hospital halin sa The Medical City ang gobernador kahapon agud operahan.
Nagapabilin subong sa intensive care unit (ICU) si Defensor matapos nakaguwa sa operating room para ma-obserbaran sang maayo.