By: Aine Grace Bravo
Ginpasakaan sang kaso nga rape sang 36-anyos nga ginang sa Tigbauan si Sirius Gim Villareal, 21-anyos sang Tisoy Village, Brgy. 7, Tigbauan.
Nagserbi nga testigo ang ginikanan sang biktima agud nga mapasaka ang kaso. Gin-athag ni Inspector Hermogenes Eulatic, hepe sang Tigbauan Police Station, nga nadugayan ang pagpasaka sang kaso bangud ginplastar sang maayo sang abogado sang pamilya ang mga affidavits kag resulta sang examinasyon.
Nag-alegar ang biktima nga si alyas Lyn-Lyn nga ginhimuslan siya sang Abril 29, pasado las-8 sang gab-i sa Brgy. Atabayan, Tigbauan sa sulod mismo sang salakyan sang suspetsado.
Si Villareal man ang suspek sang pagpanghimulos sa 19-anyos nga babaye sa sulod sang iya salakyan nga iya ginpick-up sa Manduriao kag ginbilin sa Oton.