By: Aine Grace Bravo
Ginapangguba kag ginakuha sang mga nagalabay sa Iloilo Bridge sa Diversion Road, Mandurriao ang mga parte sang railings nga nabutang sa kilid sang taytay.
Ini ang rason suno kay Architect Vicente Rabago sang DPWH 6 kun nga-a ginpa-islan nila sa contractor nga International Builders Corporation ang mga parte sang railings nga manipis. Suno kay Rabago, bisan sipaun lang, makakas ang mga parte sang railings nga indi maayo ang pag-welding kag pag-obra kabangdanan mahapos kakson.
Under warranty pa man suno sa iya ang ginpasangkad nga taytay. Posible nga antes ang Hunyo 12, matapos na ang pag-ilis sa mga parte sang railings.