By: Jocelyn Gelloagan-Maque

Patay ang 66-anyos nga ginang matapos ginsulod sa ila balay kag ginbuno sang 76-anyos nga suspek sa Barangay Caninguan, Lambunao kagab-i.

Suno kay Lambunao PNP OIC Ephraim Opher, lima tubtub anum ka beses nga ginbuno ni Alexander Ecube ang biktima nga si Priscila Asturias antes nagpalagyo.

Ginpahayag nga ginpangbuno pa ni Ecube ang nalabayan nga mga ido kag nagtuyo magbato sa nagresponder nga mga pulis.

Natiruhan ni SPO2 Ronald Patriarca ang suspek sa abaga kag gindala pa sa Lambunao District Hospital apang napatay.

Ginpahayag ni Opher nga madugay na nga may hiligut-anon ang suspek kag biktima.

Leave a Reply