Oton, Iloilo: 58-anyos nga babaye, hublas kag patay na sang nasapwan sang iya bana!

By: Aine Grace Bravo

Patay na sang nasapwan ang 58-anyos nga babaye sa puno sang kamunsil sa Oton kaina sang aga.

Ang bana mismo ang nakasapo sa bangkay sang iya asawa nga hublas, nagabarikutot kag tata sang pilas sang pagkabuno sa lawas. Ulihi nga nakita sang bana ang asawa kahapon sang hapon apang wala na nakapauli pagkagab-i.

Ginapatihan nga ginhimuslan ang biktima bangud sang nakita nga sitwasyon sini nga naluslos kag may gisi ang parte sang duster kag wala na sang underwear. Ginapatihan man nga ginyudyod pakadto sa puno sang kamunsil ang biktima kag ginbuno bangud sang nakita nga agi nga ginapatihan tii.

Nakita naman malapit sa lugar ang pares sang tsinelas, shorts, kalo, flashlight kag underwear sang biktima. Gina-imbestigaran na sang kapulisan ang identity sang suspetsad.