By: Nemesio Martirez
Love triangle kag kahisa ang ginasunod nga motibo sang kapulisan sa pagpatay sa mag-utod nga Abner Subosa, 38-anyos kag Albert Detoyato, 35 anyos nga nasapwan sa gina-istaran nga balay sa Bita-og Taytay, Sta Barbara. Suno kay Inspector Ramil Jacaba sang Sta Barbara PNP, may karelasyon nga duha ka babaye si Abner sa diin ang isa naga-edad sang 55-anyos kag kasado nga Taga-Brgy Salihid Barotac Nuevo. Luyag kuntani suno sa iya ni Abner nga magbulag sa 55-anyos nga karelasyon bangud may nakita na ini nga mas bataon nga babaye apang wala nagpasugot. May natabu na sadtu nga ginsulong pa sang 55-anyos nga babaye si abner upod ang bag-o nga nobya kag gin-eskandalo.Wala man gindula sang kapulisan ang anggulo nga kahisa sa trabaho ilabe na nga caretaker sa propedad sang pamilya sarabia ang duha ka biktima. Ginpahayag ni jacaba nga may yara na sila sang testigo sa krimen apang nagpamalibad ini nga maghatag sang testimonya.Ginapadalman naman sang kapulisan kon bala may ikasangkol ang 55-anyos nga karelasyon ni abner ang magpatay sa mag-utod.