By: Jocelyn Gelloagan-Maque
Nag-file sang petition sa korte ang Integrated Bar of the Philippines (IBP)-Guimaras Chapter para mapa-rescind ang kontrata sang Guimaras-Iloilo Ferry Terminal (GIFT) nga ginpirmahan sang Iloilo City Government kag Double Dragon Properties Incorporated.
Suno kay Guimaras Vice Governor Vicente De Asis ang ila Petition with Prayer for the Issuance of Temporary Restraining Order and Preliminary Injunction nagatuyo nga mapunggan ang construction sang ferry terminal bangud nagapanguna nga maapektuhan sini ang mga Guimarasnon pananglitan mag-operate na.
Naghimbon suno sa iya ang Double Dragon kag Iloilo City Government nga himuan sang terminal para masukot ang mga Guimarasnon.
Sa Rules of Court suno kay De Asis, makabig sila nga “real party in interest” bangud sila ang direkta nga maapektuhan sang terminal.
Partikular dire ang P11 nga balayran sa terminal fee kag pagpasira sang Ortiz kag Parola Wharves santo sa nasaad sa kontrata.
Suno kay De Asis, ang Philippine Ports Authority (PPA) lang kag MARINA ang puwede makadugang sang sukot sa ila samtang ang Parola kag Ortiz Wharves, indi na sakop sang hurisdiksyon sang city government bangud ini ang patrimonial property sang estado.