By: Nemesio Martirez

Indi pabor si San Pedro Molo Punong Barangay kag ABC District President Cirilo Lapascua nga butangan sang bulangan ang iya barangay. Kasunod ini sang plano ni Councilor Lyndon Acap nga butangan sang cockpit areana ang 7 ka distrito sang syudad agud mauntat ang illega; nga pabulang ukon pa-uwak sa kabarangayan. Suno kay Lapascua, magadepende naman sa iban nga kapitan kun magpasugot sila nga butangan sang bulangan ang ila barangay. Gin-ako ni Lapascua nga 90% sang mga barangay sa molo ang nagahimo sang pa-uwak bangud naandan na sang mga pumuluyo ilabe na sang mga imol ang magpusta kapin pa kun may okasyon sa barangay. Bilang ABC president sang Molo, ginpabutyag ni Lapascua nga ginakonsiderar niya ang amo nga aktibidad bangud nagalikaw siya sa gamo. Apang gin-athag sini wala naga-egsister ang illegal nga pasugal sa iya barangay ilabe na ang bulang, ensero ukon pa-uwak kag tumbo.

Leave a Reply