By: Aine Grace Bravo

Target sang Philippine Drug Enforcement Agency (PDEA) 6 nga maka-clear sa illegal drugs ang 90 ka mga barangay sa syudad sa Hunyo.

Suno kay PDEA 6 Director Paul Ledesma, determinado sila sang Philippine National Police nga madugangan ang numero sang mga barangay nga clear sa illegal drugs. Masarangan ini suno sa iya sang mga hepe sang police stations sa syudad bilang mga front runners pagtapna sang illegal nga druga sa bulig sang mga barangay officials. Ginaproponer ni Ledesma ang isa ka bulan nga drug-clearing operations kag indi magnubo sa walo ka barangay ang kinahanglan nga ma-clear antes ang gintalana nga plaso.

Gina-preparahan na sang PDEA kag kapulisan ang operasyon sa Oplan Limpyo Barangay Charlie sa walo tubtub napulo ka barangay sa syudad sa diin tatlo tubtub apat diri ang ginakabig nga major areas of concern.

Leave a Reply