By: Aine Grace Bravo

Baklon ni Dr. Rogelio Florete, nagapanag-iya sang bulk water supplier nga Flo Water Resources Iloilo Inc. ang Metro Iloilo water district ukon MIWD sa balor nga 550 milyones pesos.

Kun magpasugot lang ang MIWD suno sa iya, bisan subong dayon mahimo ini magbayad sang amo kadaku nga kantidad. Ginpasiguro man sini nga sa sulod lang sang tatlo ka tuig, mapaayo nila ang serbisyo sa mga kunsumedor.

Ang pahayag ginhimo ni florete kasunod sang pagbisita sang mga konsehal sa pagpanguna ni Councilor Joshua Alim sa mga facilities sang MIWD kag Flo Water kahapon. Nakita sang mga konsehal ang tuman na ka daan nga mga facilidad sang water district rason nga indi maayo ang serbisyo sa ila mga kunsumedor.

Ginpahayag naman ni Dr. Teodoro Robles, chairman sang MIWD Board nga indi sila makadesisyon sa tanyag ni Florete bangud mas ginatutukan nila ang Joint Venture Agreement. Welcome man suno sa iya si Florete kun luyag sini nga magpasakop.

Leave a Reply